Afstaða íslenskra blaða- og fréttamanna til umdeildra vinnubragða við upplýsingaöflun

Abstract

Í þessari grein er fjallað um viðhorf blaða- og frétta-manna á Íslandi til siðareglna fagsins og ýmissa vinnubragða við öflun upplýsinga sem að öðru jöfnu geta talist óhefðbundin og eru gjarnan um-deild, svo sem notkun falinna myndavéla, notkun trúnaðargagna í heim-ildarleysi og þess að villa á sér heimildir. Byggt er á gögnum úr spurninga-könnun sem lögð var fyrir blaða- og fréttamenn hér á landi vorið 2021. Könnunin er hluti alþjóðlegrar samanburðarrannsóknar, Worlds of Journ-alism Study. Sambærileg könnun var gerð árið 2012 og eru niðurstöður kannananna tveggja bornar saman til að greina breytingar á viðhorfum íslenskra blaða- og fréttamanna. Niðurstöðurnar sýna að notkun falinna upptökutækja og notkun trúnað-arskjala úr stjórnsýslu eða viðskiptalífi nýtur mikils og víðtæks stuðnings innan fagsins. Stuðningur við að villa á sér heimildir við upplýsingaöflun hefur aukist umtalsvert, en notkun einkagagna er umdeildari.