Háskólinn á Akureyri

Bókasafn og upplýsingaþjónusta Háskólans á Akureyri styður nám, kennslu og rannsóknir með því að tryggja aðgang að fjölbreyttum og vönduðum safnkosti. Bókasafnið veitir faglega ráðgjöf og persónulega þjónustu, meðal annars við heimildaleitir, upplýsingalæsi og öflun efnis, og er mikilvægur stuðningur fyrir nemendur, kennara og rannsakendur á öllum stigum náms og fræðastarfs. Við Háskólann á Akureyri er öflugt rannsóknarsamfélag með traustum rannsóknarinnviðum og rannsóknarþjónustu. Rannsóknarmenning háskólans miðar að opnum vísindum með áherslu á alþjóðlegt samstarf þar sem rannsóknarafurðir og gögn eru gerð aðgengileg í opnum aðgangi.