Nemar í grunnskólakennaranámi: Spurningakönnun meðal grunnskólakennaranema á öðru ári í B.Ed.-námi skólaárið 2019–2020

Abstract

Haustið 2018 hófst rannsókn meðal kennaranema á fyrsta námsári í B.Ed.-námi við Menntavísindasvið Háskóla Íslands. Tvær spurningakannanir voru lagðar fyrir haustið 2018 þar sem kennaranemar voru inntir eftir bakgrunni sínum, viðhorfum til námsins, hvort þeir væru í stað- eða fjarnámi, hvort þeir væru í launaðri vinnu með náminu og fleira. Á vormisseri var ein könnun til viðbótar lögð fyrir þar sem áhersla var lögð á spurningar sem tengdust framvindu í náminu og mati á gæðum. Á öðru ári var áfram verið að skoða vinnu með námi, vinnuálag og almenna ánægju með námið en í þeirri könnun var sjónum sérstaklega beint að því hversu mikið ýmsar tæknilausnir væru notaðar og ánægju með þær. 69 grunnskólakennaranemar svöruðu spurningalistum sem lagðir voru fyrir haustið 2018 og 58 um vorið. Á hausmisseri 2019 var lögð ný könnun fyrir þessa sömu nema sem þá voru komnir á annað ár í náminu og svör fengust frá 51 nema. Fjöldi nema sem lauk kjarnanámskeiðunum Nám og kennsla eldri nemenda í grunnskóla og Nám og kennsla yngri nemenda í grunnskóla var 51.