Styrking leikskólans : STYKKISHÓLMUR

Abstract

Þörf hefur verið á því að styrkja leikskólastigið á Íslandi á undanförnum árum. Árið 2020 var stofnaður starfshópur á vegum menntamálaráðherra sem skilaði af sér lokaskýrslu árið 2021 um styrkingu leikskólastigsins. Hópurinn lagði fram fjölþættar tillögur um hvernig efla megi skólastarf á leikskólastigi, meðal annars um endurskoðun á aðalnámskrá leikskóla, reglugerð um starfsumhverfi leikskóla og byggingarreglugerð. Taldi starfshópurinn að tillögurnar, ásamt skýrari ramma, fjölgun undirbúningstíma og styttingu vinnuvikunnar jafna starfsaðstæður milli skólastiga. Nú stendur yfir kynning á endurskoðun aðalnámskrá, en ekki hafa verið gerðar breytingar á reglugerðum. Leiðarljós í starfi og tillögum hópsins voru að hagsmunir barna væru hafðir í forgrunni í öllu starfi leikskóla, og að byggt væri á bestu þekkingu hverju sinni. Fram kom í skýrslunni að til að ná því markmiði að bjóða bestu mögulegu námsskilyrði fyrir leikskólabörn væri mikilvægt að fjölga starfandi leikskólakennurum og stuðla að öflugri starfsþróun alls starfsfólks í leikskólum. Aukin gæði og fagmennska styrki starf leikskólanna og auki vægi þeirra sem eftirsóknarverðra vinnustaða. Ýmis sveitarfélög, svo sem Hafnarfjarðarbær og Kópavogsbær hafa gripið til aðgerða til að styrkja leikskólastarf. Kallað hefur verið eftir aðgerðum til að styrkja leikskólastarf í Stykkishólmi í kjölfar endurskoðun skólastefnu sveitarfélagsins og er í þessari skýrslu fjallað um samráðsfund um styrkingu leikskólans í Stykkishólmi sem haldinn var í ágúst 2023 og þær tillögur sem þar voru lagðar fram til að styrkja leikskólastarfið.