Opin vísindi

Íslandsvísur og viðtökur þeirra : Frá Guðmundi Magnússyni til Jóns Trausta

Íslandsvísur og viðtökur þeirra : Frá Guðmundi Magnússyni til Jóns Trausta


Titill: Íslandsvísur og viðtökur þeirra : Frá Guðmundi Magnússyni til Jóns Trausta
Höfundur: Egilsson, Sveinn Yngvi
Útgáfa: 2023-12-19
Tungumál: Íslenska
Umfang: 1598569
Deild: Íslensku- og menningardeild
Birtist í: Ritið; 23(3)
ISSN: 1670-0139
DOI: 10.33112/ritid.23.3.5
URI: https://hdl.handle.net/20.500.11815/4636

Skoða fulla færslu

Tilvitnun:

Egilsson , S Y 2023 , ' Íslandsvísur og viðtökur þeirra : Frá Guðmundi Magnússyni til Jóns Trausta ' , Ritið , bind. 23 , nr. 3 , bls. 119-144 . https://doi.org/10.33112/ritid.23.3.5

Útdráttur:

Íslandsvísur voru önnur ljóðabók Guðmundar Magnússonar (1873–1918) sem síðar skrifaði vinsælar sögur undir dulnefninu Jón Trausti. Bókin var prentuð árið 1903 í Ísafoldarprentsmiðju og vandað mjög til útgáfunnar með myndskreytingum eftir skáldið sjálft og listmálarann Þórarin B. Þorláksson (1867–1924). Ekki var um venjulega útgáfu að ræða heldur var bókin „prentuð sem handrit“ handa afmörkuðum hópi áskrifenda. Fyrsta ljóðabók Guðmundar, Heima og erlendis (1899), hlaut dræmar viðtökur og þessi litlu betri, þó að hún hefði að geyma ljóð sem urðu vinsæl í sönglögum eins og Draumalandið og „Eg vil elska mitt land“. Þjóðskáldið Matthías Jochumsson (1835–1920) birti kurteislegan en gagnrýninn ritdóm um Íslandsvísur í blaðinu Gjallarhorni 1903. Það var þó háðslegur niðurrifsdómur annars skálds, Sigurðar Sigurðssonar frá Arnarholti (1879–1939) í blaðinu Óðni 1905, sem hafði úrslitaáhrif fyrir bókina og höfund hennar. Guðmundur sagði síðar að hann hefði hætt að birta verk sín undir eigin nafni og tekið upp dulnefnið Jón Trausti til þess að sögurnar sem hann setti saman í framhaldinu væru óbundnar af slæmu orðspori hans sem höfundar. Í greininni er fjallað um Íslandsvísur sem ljóðabók og síðan gerð grein fyrir hinum afdrifaríku viðtökum þeirra.

Skrár

Þetta verk birtist í eftirfarandi safni/söfnum: