Nemar í grunnskólakennaranámi: spurningakönnun meðal grunnskólakennaranema á fyrsta ári í B.Ed.-námi skólaárið 2018–2019

Abstract

Haustið 2018 hófst rannsókn meðal kennaranema á fyrsta námsári í B.Ed.-námi við Menntavísindasvið Háskóla Íslands. Lagðar voru fyrir spurningakannanir, tvisvar haustið 2018 og einu sinni á vormisseri 2019, þar sem grunnskólakennaranemar voru inntir eftir bakgrunni sínum, viðhorfum til námsins, hvort þeir væru í stað- eða fjarnámi, hvort þeir væru í launaðri vinnu og fleira. Spurningakannanir voru lagðar fyrir nemendur í grunnskólakennarafræðum í staðlotu 1 á tímabilinu 27.–31. ágúst og í staðlotu 2 á tímabilinu 22.–26. október. Kennarar veittu rannsakendum leyfi til að kynna rannsóknina í kennslustund og nemendur fengu í kjölfarið senda netslóð þar sem þeir gátu svarað könnuninni. Haustið 2018 voru 109 nýnemar skráðir í grunnskólakennaranám í þremur deildum. Í staðlotu 1 um haustið svöruðu 69 spurningalista og á vormisseri voru það 58 nemar.