Nemar í kennslufræði grunnskóla að loknu BA/BS/B.Ed.-prófi: spurningakönnun meðal nema á fyrra námsári í M.Ed.-námi haustið 2019

Abstract

Haustið 2019 var rannsókn gerð meðal nema á fyrsta námsári í grunnnámi til bakkalárprófs á flestum námsleiðum við Menntavísindasvið Háskóla Íslands. Ákveðið var að sambærileg könnun yrði lögð fyrir nema sem eru í tveggja ára kennaranámi í kennslufræði grunnskóla og menntunarfræði leikskóla. Í skýrslunni er gerð grein fyrir niðurstöðum úr rannsókn meðal nema á námsleiðinni kennslufræði grunnskóla að loknu BA/BS-prófi. Kennaranemar voru inntir eftir bakgrunni sínum, hvort þeir væru í stað- eða fjarnámi, hvort þeir væru í launaðri vinnu, viðhorfum til námsins og fleira. Kennarar veittu rannsakendum leyfi til að kynna rannsóknina í kennslustund og nemendur fengu í kjölfarið senda netslóð þar sem þeir gátu svarað könnuninni