Opin vísindi

Framkvæmd stefnu um menntun fyrir alla á Íslandi : Viðhorf skólafólks og tillögur um aðgerðir

Framkvæmd stefnu um menntun fyrir alla á Íslandi : Viðhorf skólafólks og tillögur um aðgerðir


Title: Framkvæmd stefnu um menntun fyrir alla á Íslandi : Viðhorf skólafólks og tillögur um aðgerðir
Author: Óskarsdóttir, Edda   orcid.org/0000-0003-0989-0583
Gunnþórsdóttir, Hermína   orcid.org/0000-0001-5998-2983
Svanbjörnsdóttir, Birna María B.
Sigþórsson, Rúnar
Date: 2021-06-24
Language: Icelandic
Scope: 19
University/Institute: Háskólinn á Akureyri
School: Hug- og félagsvísindasvið
Department: Deild kennslu- og menntunarfræði
Deild menntunar og margbreytileika
Series: Netla; ()
ISSN: 1670-0244
DOI: https://doi.org/10.24270/netla.2021.7
Subject: Menntastefna; Menntakerfi; Skóli án aðgreiningar; Educational policy; Education system; Inclusive education; Policy implementation; Professional learning community
URI: https://hdl.handle.net/20.500.11815/2844

Show full item record

Citation:

Óskarsdóttir , E , Gunnþórsdóttir , H , Svanbjörnsdóttir , B M B & Sigþórsson , R 2021 , ' Framkvæmd stefnu um menntun fyrir alla á Íslandi : Viðhorf skólafólks og tillögur um aðgerðir ' , Netla , bls. 1-19 . https://doi.org/10.24270/netla.2021.7

Abstract:

Menntun fyrir alla er einn af meginþáttum þeirrar stefnu sem íslenskt skólakerfi er byggt á. Í úttekt Evrópumiðstöðvar um nám án aðgreiningar og sérþarfir (hér eftir Evrópumiðstöðin) á framkvæmd stefnunnar, sem var birt 2017, kom fram að þrátt fyrir að stefnan væri skýr hefði skólasamfélagið hvorki skýra mynd af hugtakinu menntun án aðgreiningar né fullnægjandi skilning á hvað skólastarf á þeim grundvelli fæli í sér. Markmið greinarinnar er tvíþætt: Í fyrsta lagi að draga saman niðurstöður 23 funda sem haldnir voru um allt land á vegum stýrihóps Mennta- og menningarmálaráðuneytisins um menntun fyrir alla haustið 2018 með það fyrir augum að skapa umræðu um stefnuna. Til fundanna voru boðaðir fulltrúar leikskóla, grunnskóla og framhaldsskóla, frístundaþjónustu, foreldrafélaga, skólaskrifstofa, félags- og skólaþjónustu auk heilsugæslu. Niðurstöðurnar eru byggðar á greiningu á umræðuverkefni sem lagt var fyrir á hverjum fundi þar sem þátttakendur komu sér saman um mikilvægustu breytingar sem gera þyrfti, og forgangsröðun þeirra, til að styrkja menntun fyrir alla í íslenska skólakerfinu. Í öðru lagi er markmið greinarinnar að leggja fram tillögur greinarhöfunda um aðgerðir til að efla menntun fyrir alla í íslenskum skólum. Þær eru byggðar á niðurstöðum umræðuverkefnisins ásamt niðurstöðum úttektarskýrslu Evrópumiðstöðvarinnar frá 2017. Þær eru settar í samhengi við fræðilegan bakgrunn menntunar fyrir alla og enn fremur líkan af vistkerfi menntunar með það fyrir augum að greina á hvaða stjórnsýslustigum menntakerfisins ábyrgð á framkvæmd hvers þáttar liggur.

Files in this item

This item appears in the following Collection(s)